სამედიცინო თარგმანი ნოტარიული დამოწმებით (31+ ენაზე)

მთარგმნელობითი კომპანია "samedicino-targmani.ge" გთავაზობთ უმაღლესი ხარისხის პროფესიონალურ სამედიცინო თარგმანს. ჩვენი გუნდი, რომელიც კლინიკა "ჯერარსის" ბაზაზეა დაფუძნებული, პრაქტიკოს ექიმებსა და სერტიფიცირებულ მთარგმნელებს აერთიანებს.

უზრუნველვყოფთ ნებისმიერი სირთულის სამედიცინო საბუთის თარგმნას 31-ზე მეტ ენაზე (მათ შორის: ინგლისური,თურქული, გერმანული, რუსული). თითოეული ტექსტი მუშავდება აკადემიური სიზუსტით, საერთაშორისო სტანდარტის სამედიცინო ტერმინოლოგიის სრული დაცვით.

რას ვთარგმნით?

• კლინიკური დოკუმენტაცია და სამედიცინო ისტორია: ჯანმრთელობის ცნობის (ფორმა №IV-100/ა), ეპიკრიზის, ამბულატორიული ბარათის ჩანაწერებისა და სხვა სამედიცინო დოკუმენტაციის თარგმნა.
• რადიოლოგიური და ინსტრუმენტული კვლევები: კომპიუტერული ტომოგრაფიის (CT), მაგნიტურ-რეზონანსული ტომოგრაფიის (MRI), პოზიტრონულ-ემისიური ტომოგრაფიის (PET-CT), რენტგენოგრაფიისა და ულტრაბგერითი კვლევის (ექოსკოპია) დასკვნების თარგმნა.
• ქირურგიული და ინვაზიური ჩარევები: ოპერაციის ოქმის, ანესთეზიის პროტოკოლის, პოსტოპერაციული მართვის გეგმისა და ინვაზიური პროცედურების (მაგ., სტენტირება) აღწერილობის თარგმნა.
• ლაბორატორიული და პათომორფოლოგიური დიაგნოსტიკა: ლაბორატორიული ანალიზების, ბიოფსიის, ჰისტოლოგიური, ციტოლოგიური, იმუნოჰისტოქიმიური და გენეტიკური კვლევების დასკვნების თარგმნა.
• ფუნქციური დიაგნოსტიკა: ელექტროკარდიოგრამის (ეკგ), ჰოლტერის მონიტორინგის, ექოკარდიოგრაფიის, კორონაროგრაფიის, ელექტროენცეფალოგრამის (EEG), ელექტრომიოგრაფიის, ენდოსკოპიური კვლევების (გასტროსკოპია, კოლონოსკოპია) და აუდიოგრამის დასკვნების თარგმნა.

ჩვენი უპირატესობები:

• კლინიკური სიზუსტე: თარგმნის პროცესში უშუალოდ ჩართულნი არიან სამედიცინო სფეროს სპეციალისტები, რაც გამორიცხავს შინაარსობრივ და ტერმინოლოგიურ ხარვეზებს.
• ნოტარიული დამოწმება: გთავაზობთ დოკუმენტის არა მხოლოდ თარგმნას, არამედ მის ოფიციალურ ნოტარიულ დამოწმებას.
• სრულად დისტანციური მომსახურება: გამოგვიგზავნეთ მასალის ფოტო ან ელექტრონული ვერსია Viber / WhatsApp-ის საშუალებით და მიიღეთ მზა თარგმანი სახლიდან გაუსვლელად.
  
  ხშირად დასმული კითხვები:
  
• რა არის სამედიცინო დოკუმენტაციის თარგმნის ფასი?
  თარგმნის ფასები დამოკიდებულია მოთხოვნილ ენაზე, ტექსტის მოცულობაზე, ტერმინოლოგიურ სირთულეზე, შესრულების ვადასა და ნოტარიული დამოწმების საჭიროებაზე. ზუსტი ღირებულების დასადგენად, გთხოვთ, გამოგვიგზავნოთ დოკუმენტი უფასო შეფასებისთვის.
• რა დრო სჭირდება თარგმანის მომზადებას?
  შესრულების ვადა დამოკიდებულია დოკუმენტის მოცულობასა და კლინიკურ სირთულეზე. მაგალითად, მოკლე სამედიცინო ცნობის ან ლაბორატორიული კვლევის შედეგების თარგმნას გაცილებით ნაკლები დრო სჭირდება, ვიდრე ვრცელი სამედიცინო ისტორიისა (ეპიკრიზის) ან კომპლექსური ონკოლოგიური დოკუმენტაციის დამუშავებას.
• სავალდებულოა თუ არა ნოტარიული დამოწმება?
  აღნიშნული დამოკიდებულია მიმღები დაწესებულების (კლინიკის, საელჩოს, უნივერსიტეტის) შიდა მოთხოვნებზე. თარგმანის შეკვეთამდე, რეკომენდებულია ნოტარიული დამოწმების საჭიროება გადაამოწმოთ უშუალოდ მიმღებ ორგანიზაციასთან.
• შესაძლებელია თუ არა მომსახურების მიღება დისტანციურად?
  დიახ! ჩვენი სერვისით სარგებლობა შეგიძლიათ სრულად დისტანციურად. მზა თარგმანს, მათ შორის ნოტარიულად დამოწმებულ დოკუმენტებს, მოგაწვდით ფოსტის საშუალებით მთელი საქართველოს მასშტაბით.
• შესაძლებელია თუ არა თარგმანის შეკვეთა ფოტოასლის საშუალებით (თარგმნა ფოტოთი)?
  დიახ. დოკუმენტის მკაფიო, მაღალ ხარისხში გადაღებული ფოტოასლი ან ელექტრონული (სკანირებული) ვერსია სრულიად საკმარისია წინასწარი შეფასებისა და თარგმნისთვის.
• ნარჩუნდება თუ არა დოკუმენტის ორიგინალი ფორმატი?
  მაქსიმალური სიზუსტით ვინარჩუნებთ დოკუმენტის თავდაპირველ სტრუქტურას, ცხრილებს, ნუმერაციას, კლინიკურ მაჩვენებლებსა და სხვა მნიშვნელოვან ვიზუალურ ელემენტებს.