თანამიმდევრული თარგმანი: სპიკერი საუბრობს, აკეთებს მცირე პაუზებს, ხოლო მთარგმნელი ამ პაუზების დროს თარგმნის ნათქვამს. გამოიყენება საქმიან შეხვედრებზე, მოლაპარაკებებსა და პრესკონფერენციებზე. სინქრონული თარგმანი: თარგმანი მიმდინარეობს სპიკერის საუბრის პარალელურად, უწყვეტ რეჟიმში. მთარგმნელი იზოლირებულ კაბინაში ზის და ყურსასმენებით მუშაობს. გამოიყენება დიდ საერთაშორისო ფორუმებზე, კონფერენციებსა და სემინარებზე (საჭიროებს სპეციალურ აპარატურას).

სტანდარტული წერილობითი თარგმანის ფასი იანგარიშება არა ფურცლების, არამედ სიმბოლოების ან სიტყვების რაოდენობით. საერთაშორისო პრაქტიკით, 1 პირობითი გვერდი უდრის 1800 სიმბოლოს (გამოტოვებებით) ან დაახლოებით 250-300 სიტყვას. ფასზე ასევე გავლენას ახდენს თემის სირთულე (მაგ: იურიდიული, სამედიცინო), ენების კომბინაცია და შესრულების ვადები (სასწრაფო თარგმანი).