შავი კარკასი: მოიცავს მხოლოდ მიწის სამუშაოებს, საძირკველს, რკინაბეტონის მზიდ კონსტრუქციას (სვეტები, გადახურვა), გარე კედლების ამოშენებას და სახურავს. თეთრი კარკასი: შავ კარკასს ემატება შიდა ტიხრების მოწყობა, გალესილი კედლები, მოჭიმული იატაკი (სტიაშკა), დამონტაჟებული კარ-ფანჯრები და ბინაში შემოყვანილი ძირითადი კომუნიკაციები. მწვანე კარკასი: ეს არის კოსმეტიკურ რემონტამდე მიყვანილი მდგომარეობა. თეთრ კარკასს ემატება ბინაში სრულად დაქსელილი ელექტროობა, გათბობის მილები, სანტექნიკის გაყვანილობა და იდეალურად დასრულებული, დაშპაკლული კედლები.

საშუალო ზომის კერძო სახლის (150-250 კვ.მ) კონსტრუქციისა და კარკასის აშენებას სჭირდება 4-დან 7 თვემდე, რაც დამოკიდებულია პროექტის სირთულეზე, რელიეფსა და ამინდზე (ბეტონის გაშრობის ტექნოლოგიურ ვადებს თავისი დრო სჭირდება). სრულ მწვანე კარკასამდე მიყვანას კი ჯამში 9-დან 12 თვემდე სჭირდება.