ლამინატი: დაპრესილი ნახერხის ფილაა დეკორატიული საფარით. არის ყველაზე ბიუჯეტური, თუმცა ვერ უძლებს დიდ ტენიანობას.MDF (მგფ): წვრილდისპერსიული ხის ფრაქციაა, ბევრად მკვრივი და ნესტმედეგი. იდეალურია ფასადებისთვის, რადგან ექვემდებარება ფრეზირებას (ორნამენტების გამოჭრას) და შეღებვას.ვინირი: ეს არის ნატურალური ხის თხელი ფენა (თლილი ხე), რომელიც აკრულია (MDF)-ზე ან პლაივუდზე. ვიზუალურად და შეხებით ზუსტად ნატურალური ხესავითაა, თუმცა ბევრად მსუბუქია და არ იგრიხება ტემპერატურის ცვალებადობისას.

ავეჯის ღირებულება ინდივიდუალურია და მისი გაანგარიშება ხდება 4 მთავარი კომპონენტის მიხედვით:მასალა: ფასს განსაზღვრავს ფასადის (კარების) ტიპი. ყველაზე ბიუჯეტურია ლამინატი (LPB), საშუალო და მაღალი კლასისაა ნესტგამძლე MDF (აკრილის, შეღებილი ან დაშპონილი ზედაპირით), ხოლო ყველაზე ძვირი — ნატურალური ხე.ფურნიტურა და მექანიზმები: ანჯამები (პეტლები) და უჯრის მიმმართველები საგრძნობლად ცვლის ბიუჯეტს. სტანდარტული ჩინურ/თურქული მექანიზმები ხელმისაწვდომია, ხოლო პრემიუმ კლასის ევროპული ბრენდები (მაგ: Blum, Hettich) თვითდახურვის სისტემით (სოფთ-ქლოუზ) ფასს ზრდის, თუმცა ათწლეულების გარანტია აქვს.სამუშაო ზედაპირი (სტოლეშნიცა): სამზარეულოსა და ბარის შემთხვევაში, ლამინირებული პოსტფორმინგი ყველაზე ბიუჯეტურია, ხელოვნური (აკრილის) ქვა — საშუალო, ხოლო კვარცი და ნატურალური გრანიტი — უმაღლესი კატეგორიის.კონსტრუქციის სირთულე: ჭერამდე აყვანილი კარადები, ფარული სახელურები, ჩაშენებული LED განათებები და რთული სათავსოები ზრდის როგორც მასალის ხარჯს, ისე ხელოსნის შრომის ღირებულებას.