მათემატიკისა და ფიზიკის გაკვეთილები მოსწავლეებისთვის

**მათემატიკაში მოსწავლეების მომზადება (მათ შორის, ონლაინ)**

ვამზადებ მოსწავლეებს მათემატიკაში როგორც ინდივიდუალურად, ისე ჯგუფურად და ონლაინ ფორმატშიც.

ამჟამად ვმუშაობ ქუთაისის საერთაშორისო უნივერსიტეტში (KIU) და ვარ სერტიფიცირებული მასწავლებელი. დავამთავრე ზუსტ და საბუნებისმეტყველო მეცნიერებათა ფაკულტეტი მათემატიკის მიმართულებით. დასრულებული მაქვს განათლების მეცნიერებების სამაგისტრო პროგრამა, რომელზეც ვსწავლობდი 100%-იანი დაფინანსებით. ამჟამად სწავლას ვაგრძელებ მეორე, ინგლისურენოვან სამაგისტრო პროგრამაზე.

მაქვს **7-წლიანი პედაგოგიური გამოცდილება** როგორც სასწავლო ცენტრებში, ისე კერძო მოსწავლეებთან მუშაობის მიმართულებით. წარსულში ვმუშაობდი ქართულ-ამერიკულ სკოლა „პროგრესშიც“.

გაკვეთილები ტარდება ინდივიდუალურად ან მცირე ჯგუფებში, მოსწავლის ცოდნის დონისა და საჭიროებების გათვალისწინებით. სწავლების პროცესში ვიყენებ ინდივიდუალურ მიდგომებს, რათა მათემატიკის შესწავლა იყოს საინტერესო, გასაგები და სახალისო, ხოლო მოსწავლემ ცოდნასთან ერთად თავდაჯერებულობა და სწავლის მოტივაციაც შეიძინოს.

**დამატებითი ინფორმაცია ჩემს შესახებ:**

- სკოლა დავამთავრე ოქროს მედალზე;

- ბაკალავრიატზე ვსწავლობდი სრული სახელმწიფო დაფინანსებით;

- განათლების მეცნიერებების მაგისტრატურა დავასრულე 100%-იანი დაფინანსებით;

- ამჟამად ვსწავლობ მეორე, ინგლისურენოვან სამაგისტრო პროგრამაზე;

- გავლილი მაქვს ფსიქოლოგებთან ტრენინგკურსები, რაც მეხმარება ბავშვებთან ეფექტურ კომუნიკაციასა და მათ ინდივიდუალურ საჭიროებებზე სწორად რეაგირებაში.